Waldain Ki Rifat-O-Azmat

Comments: 1

1. 

   Farhan Warraich

   March 23, 2025 at 9:36 am

   ALLAH TALAH KA Irshaad hai……
   Agar Woh Humare Saamne Budhape Ko Pohench Jayein
   In Dono Me Se Ek Ya Woh Dono,
   Toh Unn Se Uff Bhi Naa Kehna
   Aur Unko Jhidakna Bhi Nahi
   Aur Unn Se Adab Ke Sath Baat Cheet Karna
   Aur Kehte Rehna Ke …

   Aaye Mere Parwardigaar!

   Inn Par Reham Farma Jaise Ke
   Unho Ne Mujhe Bachpan Me Paala………

   Aulaad Par Waldain Ke Fazl Wo Ehsaan
   Se Kisi Ko Inkaar Nahi Hosakta,

   Waldain Hi Humare Wajood Me Aane Ka Sabab Hain
   Aur Is Par Inn Ke Azeem Huqooq Hain,
   Unho Ne Bachpan Me Humari Parwarish Ki,

   Humari Rahat Wo Aasayesh Ke Liye
   Hamesha Takleefein Uthai,
   Humari Neend Keliye Qud Apni Neend Qurbaan Kardi….
   Isi Tarah Baap Bhi Tumhari Rozi Roti Keliye
   Humare Bachpan Se Lekar Bade Hone Tak
   Doud Dhoop Karta Raha,
   Aur Humari Tarbiyat Aur Rahnumaiye Karta Raha ,
   Jabke Hum Apne Nafaa Nuqsan Ka
   Shourr Nahi Rakhte The,

   Isi Liye ALLAH Subhana Talah Ne
   Aulaad Ko Waldain Ke Sath Husn Suluk Aur
   Shukar Guzari Ka Hukum Diya Hai,

   Hum Par Waldain Ka Yeh Haqq Hai Ke
   Hum Unn Ke Sath Huns Sulook Karein,
   Quoali Aur Amli Taur Par,
   Mall Ke Zariye Aur Jism Ke Zariye
   Unn Ke Sath Ehsaan Karo,
   Unn Ka Kaha Maano,
   Unnse Narmi Ke Sath Guftagoo Karo,
   Unnse QandaPeshani Se Paish Aao,
   Unnke Shayan-e-Shaan Unnki Qidmat karo,

   Budhape ,Ya Beemari Ya Kamzoori Ke Waqt
   Unnse Tangdil Naa Ho,
   Aur Naa Hi Unnki Janib Se Bojh Mehsoos Naa Karo,

   Baad Mein Hum Bhi Unhi Ke Muqaam Par Honge,
   Jis Tarah Woh Humare Maa Baap Hain,

   Agar Zindagi Rahi Toh Hum Bhi Isi Tarah
   Apni Aulaad Ke Saamne Budhape Ko Pohenchenge ,

   Jis Tarah Aaj Woh Humari Qidmat Ke Zarooratmand Hain
   Isi Tarah Hum Bhi Apni Aulaad Ki Qidmat Ke Zarooratmand Honge,

   Agar Hum Apne Waldain Ki Qidmat Guzari Ki Hain
   Toh ALLAH Se Azeem Ajr Wo Sawab Ki
   Aur Apni Aulaad Se Isi Ki Misali
   Badle ki Khushi Lenge {insha Allah }

   Kyunke Jo Apne Waldain Ki Qidmat Karta Hai
   Usski Aulaad Bhi Usski Qidmat Karti Hai ,
   Aur Jo Apne Waldain Ki Naa Farmani Karta Hai,
   Usski Aulaad Bhi Usski Naa Farmani Karti Hai,
   Badla Amal Hi Se Hota Hai,
   Jaisa Karoge Waisa Paaoge ………

   Aaye Allah !!!
   Hume Itna Mouqa De Iss Zindagi Me
   Ki Hum Teri ita’at Ibadat Farmaan-e-Rasool
   Aur Apne Waldain Ki Achi tarah Se Qidmat kar Sakein,
   Humse inn Sab Farayez Me
   Koi Kotahi Koi Galti Hui Hai Jaane Anjane Me Toh
   Aaye Allah !!!!
   Hume Maaf Farma
   Aur Hume Sahi Raasta Dikha….
   Ameeeeeen

   Loading...

   Reply